Hopp til innhold

«Mammon 2» blir tilgjengeleg på nett

NRK og Filmforbundet har blitt samde om strøymeretten til «Mammon 2». Den Emmy-vinnande serien blir difor tilgjengeleg i nettspelaren til NRK frå og med i dag.

Mammon - sesong 2 MAMMON

SAMDE: Emmy-vinnaren «Mammon 2» blir tilgjengeleg på nett, etter at Filmforbundet og NRK har blitt samde om ein ny avtale.

Foto: Glenn Meling / NRK

Etter at «Mammon 2» vann ein internasjonal Emmy for beste drama i førre veke, har etterspurnaden etter serien vore stor. Mange har lurt på kvifor serien ikkje har vore tilgjengeleg i nettspelaren til NRK.

Grunnen er ein konflikt mellom Filmforbundet, som organiserer filmarbeidarar, og NRK.

Men no er denne usemja løyst, og serien er tilgjengeleg på nrk.no. Dramasjef Ivar Køhn er godt nøgd med at dette no er i hamn.

– Vi er glade for at vi kan legge «Mammon 2» ut i nettspelaren vår igjen. Dette har vi ønska heilt sidan serien vann Emmy, og det er mange som har teke kontakt og sagt at dei ønsker å sjå serien.

Vegard og Gjermund Stenberg Eriksen

VANN PRIS: Serieskaparane Vegard og Gjermund Stenberg Eriksen har heile tida ønska at «Mammon 2» skulle vere tilgjengeleg på nett. Her er dei i New York i samband med Emmy-utdelinga.

Foto: Tove Bjørgaas

Forhandlar om ny avtale

Også Gjermund Stenberg Eriksen, som har laga serien saman med broren Vegard, er glad for at serien deira endeleg er tilgjengeleg for strøyming.

– Vi laga denne serien for at han skulle bli sett i Noreg, og då er det viktig at han er tilgjengeleg når folk ønsker å sjå han.

Eriksen håper no at kringkastarar, produksjonsselskap og organisasjonar kan bli samde om eit avtaleverk som er tilpassa den nye TV-kvardagen til folk, der strøyming av innhald blir stadig meir vanleg.

– Bør vere tilgjengeleg

Ivar Køhn seier NRK no går vidare i forhandlingane med Filmforbundet om ein permanent avtale slik at norske tv-seriar alltid vil vere tilgjengeleg på nett.

– Dei gamle avtalane var tilpassa ei lineær tid. No må vi tilpasse oss kvardagen der folk strøymer TV-seriar. Vi meiner at seriar NRK har brukt lisenspengar på å få laga, bør vere tilgjengeleg for publikum når dei ønsker å sjå det.

Sverre Pedersen

KOLLEKTIV LØYSING: Leiar Sverre Pedersen i Norsk filmforbund er glad for at publikum på ny kan få sjå Mammon 2, men håpar på ei langsiktig løysing i spørsmåla om rettigheiter. Bildet er eit arkivfoto.

Foto: Mimsy Moller, Mimsy Møller / Samfoto

– Vi er med i jubelkoret. Vi har eit felles ynskje med skaparane av serien om at den skal gjerast tilgjengeleg for publikum etter ein så viktig siger, seier leiar i Norsk filmforbund Sverre Pedersen.

Han meiner likevel at filmforbundet har måtta gå NRK i møte for tredje gong på få år.

– Vi håpar at dette blir siste gong vi må forhandle om ein enkeltproduksjon. Vi ynskjer og forventar no at vi får på plass ein langsiktig og kollektiv avtale, seier han.

Kulturstrøm

  • Lizzo kommer til Norge for første gang

    Superstjernen Lizzo (34) spiller storkonsert i Oslo Spektrum den 17. februar. Det melder konsertarrangør Live Nation i en pressemelding.

    Besøket er en del av turneen «The Special Tour», etter albumet som nådde andreplass på Billboardlisten og ble det hittil høyeste plasserte albumet av en kvinnelig artist i 2022.

    Lizzo har de siste årene håvet inn musikkpriser og lovord for sine låter. Hun har nærmere 13 millioner følgere på Instagram og er, i tillegg til musikken, kjent for å fronte kroppspositivisme.

    Blant hennes mest kjente låter er «About Damn Time», som har toppet i hjemlandet USA og gått som en farsott på TikTok. Det nyeste albumet, «Special», ble sluppet tidligere i sommer.

    Lizzo
    Foto: Bryan Bedder / AFP
  • Sacheen Littlefeather er død

    Skodespelar og aktivist Sacheen Littlefeather, som i 1973 avslo Oscar-prisen til Marlon Brando for beste skodespelar i «The Godfather», er død, skriv The Washington Post.

    Littlefeather blei 75 år. Familien sa at ho døyde i fred med sine næraste rundt seg, men nemnte ikkje dødsårsaka. Ho fekk diagnosen brystkreft i 2018, skriv avisa.

    I august fekk Sacheen Littlefeather ein offisiell årsaking frå Oscarakademiet etter at ho blei bua av scenen då ho avslo Brando sin pris. Sacheen Littlefeather gjekk opp på scenen med Apache-drakt, og fortalte at Brando ikkje ville ta imot prisen på grunn av undertrykkinga av urbefolkinga i USA. Etter det blei ho boikotta frå filmindustrien.

    Sacheen Littlefeather i 1973.
    Foto: Arkivfoto / AP