«Fiskesex-sak» til Høgsterett

Skodespelar Gørild Mauseth anka saka mot NRK til Høgsterett etter å ha tapt i lagmannsretten, og Høgsterett skal no ta opp saka.

• LES ÒG: Mauseth-saken til Høyesterett
• LES ÒG: NRK vann Mauseth-saka

Utgangspunktet for søksmålet frå Mauseth er at NRK i «Store Studio» viste eit klipp frå ei sexscene frå filmen «Brent av Frost». NRK hevda at dei hadde sitatretten på si side, då dei viste klippet i samband med ein parodi av scena.

Mauseth hevdar at NRK kjende til at ho hadde ein klausul i kontrakten, som skulle sikre at nettopp denne scena ikkje kunne visast utanfor den kunstnariske samanhengen.

I tingretten vann Gørild Mauseth over NRK. Men NRK anka til lagmannsretten, og fekk der medhald. No vert det opp til Høgsterett å avgjere om NRK hadde rett til å vise klippet.

• LES ÒG: - Uendelig takknemlig
• LES ÒG: NRK til omkamp mot skuespiller
• LES ÒG: - Sladden gjorde det mer ubehagelig

Det er endå ikkje bestemt kva tidspunkt saka kjem opp i Høgsterett.

NRK sin advokat Jon Wessel-Aas er ikkje spesielt overraska over at Høgsterett vel å ta opp saka.

- Det er nesten ingen rettspraksis på sitatretten i Europa, så det ikkje uventa at Høgsterett vel å sjå nærare på dette, seier Wessel-Aas.