NRK Meny
Normal

– Ein skandale å kutte forsvarets musikk

Det er massive protestar mot å leggje ned to av dei fem gjenverande musikkorpsa til Forsvaret. Regjeringa føreslår å kutte Marinemusikken i Horten og Luftforsvarets musikkorps i Trondheim.

Luftforsvarets musikkorps

NEDLEGGINGSTRUA: Luftforsvarets musikkorps i Trondheim blei oppretta i 2006, men har ein nær to hundre år lang historie.

Foto: Forsvaret

– Det er ein skandale, seier Hans Ole Rian, forbundsleiar i Musikernes fellesorganisasjon.

Forsvarets ansikt overfor omverda

Det er Marinemusikken i Horten og Luftforsvarets musikkorps i Trondheim regjeringa føreslår å legge ned. Verksemda blir redusert til stort sett å dekke forsvarets behov og det blir færre konsertar for sivilbefolkninga.

Hans Ole Rian

KRITISK: Hans Ole Rian i Musikernes fellesorganisasjon ser svart på regjeringas forslag.

Foto: Asamaria.com

– Forsvarsmusikken er ein viktig brubyggar mellom folket og forsvaret. Når dei spelar konsertar, marsjerer i gatene og spelar på statsbesøk så er dei forsvarets ansikt overfor omverda. Det er ofte der befolkninga møter forsvaret først, seier Rian.

Kongelige norske marines musikkorps

NEDLEGGINGSTRUA: Kongelige Norske Marines Musikkorps i Horten, som blei etablert i 1820, risikerer å bli lagt ned.

Foto: Forsvaret

Regjeringas kuttforslag møter også sterk motbør hos Jacob Børresen, pensjonert offiser i sjøforsvaret og kommunestyrepresentant for Ap i Horten.

– Kvar av desse orkestera har driftsutgifter på ca. 20 millionar, altså tilsvarande prisen på ein torpedo, seier Børresen.

Kva betyr forsvarsmusikken for eit lokalsamfunn eller ein by?

– Eg vil seie at det betyr nesten alt, ikkje berre for det lokale men også for det regionale musikklivet. Vi står i fare for å miste ei viktig inspirasjonskjelde, ein kulturinstitusjon og dessutan mister forsvaret ei verdifull rekrutteringskjelde til forsvaret.

Regjeringa ønsker å oppretthalde korpsa i Bergen, Harstad og Oslo.

Prioriterer forsvarsevna

Regjeringa vil prioritere å styrke forsvarsevna, og ifølge politisk rådgjevar i Forsvarsdepartementet Audun Halvorsen vil det gå utover musikken.

– Vi må omprioritere internt og bruke meir pengar på det som gjer militær effekt og forsvarsevne og nokre mindre pengar på andre ting som musikk og kultur, seier Halvorsen.

I dag har Forsvaret fem orkester. Regjeringa vil oppretthalde ein desentralisert struktur med korps i Bergen, Harstad og Oslo.

– Dei kjem til å løyse oppgåvene sine for forsvaret på ein god måte og vil også kunne ha aktivitet opp mot det sivile samfunnet, men i noko mindre grad enn i dag, seier Halvorsen.

– Vi legg ned noko av det vi er

Ole Asbjørn Fauske, sjef for Forsvarets fellestjenester skulle helst sett at dagens korpsstruktur blei heldt oppe.

– Det er ingen tvil om at det faglege rådet frå musikkinspektøren og meg er å halde fram med dagens struktur.

– Forsvaret har eit slagord: «for alt vi er og alt vi har». Ved å legge ned desse orkestera så legg vi ned noko av det vi er, det er noko å tenke på, seier Jakob Børresen.

Kulturstrøm

  • Står Cardi B for årets video?

    MTV har presentert lista over dei nominerte til årets musikkvideo-prisutdeling, ifølgje Paper magazine. Rapstjerna Cardi B og ekteparet Beyoncé/Jay-Z (The Carters) leiar med flest nominasjonar. I kategorien årets video er følgjande nominert: Cardi B, Camila Cabello, Bruno Mars, Ariana Grande, The Carters, Childish Gambino og Drake. Les om kvifor Childish Gambinos musikkvideo skaka verda tidlegare i år.

    Cardi B
    Foto: Evan Agostini / AP
  • Framførte Bowie-låt for første gong

    Maria Schneider, hovudartist på Molde jazzfestival, spelte ein David Bowie-låt då ho opna festivalen i går, skriv VG. «Sue (Or in a Season of Crime)» var med på plata «Blackstar» som kom ut to dagar før Bowie døydde i 2016. Schneider medverka som komponist til plata. Låten har aldri blitt framført live før. Jazzmusikaren har tidlegare vunne fem Grammy-prisar.

    Maria Schneider. Moldejazz 2018
    Foto: Ann Eli Nøsen / NRK
  • Siri Aurdals skulpturer reiser ut

    81-åringen får sitt internasjonale gjennombrudd nå. «Siri Aurdal gjør enestående comeback i kunstverden.» Det skrev Svenska Dagbladet da Malmö konsthall åpnet den hittil største utstillingen til den norske skulptøren. Den 20 x 40 meter store installasjonen «Continuum» er laget av samme type rør som ble anvendt i den norske oljeindustrien på 60-tallet. Siri Aurdal skapte også stor oppmerksomhet med en annen gigantisk skulptur skapt av industrirør på den Nordiske Paviljongen under den biennalen i Venezia i fjor. Hun er også aktuell med en utstilling på Skissernas museum i Lund i Sverige. Utstillingene er åpne til slutten av august.

    Skulptur av Siri Aurdal på Malmø kunsthall
    Foto: Helene Toresdotter