Hopp til innhold

63 har fått ja til sluttpakke i TV 2

TV 2 kuttar mest i Oslo når til saman 63 tilsette har fått innvilga sluttpakke. Men kanalen må kutte ytterlegare årsverk for å kome i mål.

TV 2

Det er ei overvekt av tilsette i Oslo som er innvilga sluttpakke i TV2.

Foto: Ruud, Vidar / NTB scanpix

– Vi er glade for at vi allereie i første runde av denne prosessen kom i mål med 63 frivillige løysingar, seier organisasjons- og kommunikasjonsdirektør i TV 2, Sarah C.J. Willand, i ei pressemelding.

Det er ei overvekt av medarbeidarar i Oslo som har fått innvilga ønsket om sluttpakke. Fleire av dei som har fått ja, er profilerte medarbeidarar som Jan Ove Ekeberg, Nils Gunnar Lie og Mah-Rukh Ali.

Må kutte meir

Sarah C.J. Willand

Det kjem ytterlegare kutt i årsverk i TV 2, seier organisasjons- og kommunikasjonsdirektør i TV 2, Sarah C.J. Willand.

Foto: Alex Iversen, TV 2

I mai blei det kjent at TV 2 skal kutte 350 millionar kroner fram mot 2020. Sluttpakkane er første runde i denne prosessen.

Men sjølv om det no er innvilga 63 sluttpakkar, må TV 2 framleis kutte i talet på årsverk for å kome i mål, skriv dei i pressemeldinga.

– Vårt mål heile vegen er å oppnå flest mogleg frivillige løysingar, det gjeld også for den fasen vi no går inn i, seier Willand.

– På allmøtet 29. september vil vi kome nærmare tilbake til korleis vegen ser ut vidare, seier ho.

Då legg leiinga i TV 2 fram kor mange fleire årsverk som må bort for at dei skal nå målet om å spare 350 millionar kroner fram mot 2020.

Ønsker ikkje oppseiingar

Stein Akre

Nestleiar i Klubb 2, Stein Akre, ønsker å unngå oppseiingar.

Foto: TV 2.

Nestleiar i Klubb 2, Stein Akre, seier til NRK at det er trist at dei mister så mange kollegaer på denne måten. Men det er betre enn alternativet:

– Vi jobbar heile tida for å unngå oppseiingar. Og det at 63 medarbeidarar no kan ta sluttpakke viser at det er mogleg å løyse slike prosessar utan å seie opp folk. Vi ønsker difor at dette også skal gjelde for den neste runden vi skal gjennom no.

Kulturstrøm

  • To priser til Karpe i P3 Gull

    Karpe ble kåret til årets artist og og årets låt med melodien «paf.no» under NRKs prisutdeling P3 Gull.

    Karpe har med dette vunnet syv priser i «P3 Gull»-pris totalt.

    Bandet benyttet muligheten til å ta med produsentene bak låta opp på scenen: Thomas Kongshavn og Aksel Axxe Carlson.

    I 2022 har Karpe gitt ut EP-en «Omar Sheriff» og hatt ti utsolgte konserter i Oslo Spektrum. I 2023 skal rapduoen på europaturné.

    Karpe stakk av med prisen årets artist under NRKs prisutdeling P3 Gull, lørdag 26. november 2022
  • Stor pris til bandet Fieh

    Det unge norske soulfunk-bandet Fieh får Arne Bendiksens talentpris for 2022.

    Kulturminister Anette Trettebergstuen delte ut pris og statuett på jazzscenen Victoria i Oslo lørdag kveld.

    En del av prisen er 100.000 kroner.

    Fieh er et groove-sentrert band med funk og eksperimentelle låter. De har spilt på scener over hele Europa og har to ganger spilt på hovedscenen på Øyafestivalen.

    Arne Bendiksens talentpris er en gave fra Kulturdepartementet til norske artister, og formålet med prisen er å bidra til talentutvikling innen norsk populærmusikk.

    Fieh spilte på Øya-festivalen i Oslo i sommer foran et begeistret publikum. Foto: Eskil Olaf Vestre, NRK

    Fieh på Øya 2022
    Foto: Eskil Olaf Vestre / NRK