Flyttar Manson-film
Quentin Tarantino sin film om sektleiaren Charles Manson skapar debatt allereie før han er ferdig. Opphavleg skulle filmen med namnet «Once Upon A Time in Hollywood» ha premiere på 50-årsdagen for drapet på skodespelarinna Sharon Tate, 9. august 2019. No har premieredatoen blitt flytta, ifølgje The Hollywood Reporter. Leonardo DiCaprio og Brad Pitt har hovudrollene i storfilmen. Filmselskapet hevdar at flyttinga av premieren ikkje har noko med 50-årsmarkeringa å gjere. Manson og hans tilhengjarar stod bak fleire brutale drap i 1969. Charles Manson døydde i 2017.