- Høghuset Lambda blei valt fordi det er best, seier juryleiar i arkitektkonkurransen for det nye museet, Helle Søholt.
Arkitektane som hamna på andre og tredje plass
var for opptatt av dei opphavlege planane for korleis Bjørvika skulle sjå ut, og at ho difor hadde bestemt seg på førehand for kvar det nye museet burde ligge.
Har laga byplanen for Bjørvika
Juryleiar Helle søholt meiner alle konkurrentane vart behandla likt.
- Vi tok ikkje stilling og behandla alle forslaga som kom inn fullstendig likt, seier juryleiar Søholt.
Søholt har inngåande kunnskap om planane for Bjørvika. I 2004 vann ho arkitektkonkurransen om byromma i Bjørvika. Der teikna ho ferdselsårene frå byen ned til sjøen og hamnepromenaden. Søholt og hennar kontor Gehl arkitekter har også laga planane for områda rundt operaen.
Arkitekt Tanja Lie, som kom på andre plass i konkurransen, peikar på at Lambda ligg akkurat der det opphavleg var planlagt eit mindre kulturbygg.
- Det er nesten helt likt, seier Lie som trur Søholt hadde ein vanskeleg jobb.
Vanskeleg distanse
- Det har sikkert vore utfordrande å både hatt rolla som designar og vere juryleiar for ein konkurranse som kanskje skulle omdefinere heile området, meiner ho.
Ho trur det er umuleg å distansere seg heilt frå eigne teikningar.
- Ein blir jo alltid glad i det ein teiknar. Då kan det vere vanskeleg å ta ein heilt ny ståstad etterpå, trur Lie.
Men det problemet ser ikkje Søholt.
- Ein kan vere glad for at Lambda passar til reguleringsplanen, men det er tilfeldig, seier ho.
