Det var ikkje vanskeleg for juryen å vite kven dei skulle gi sine 20 000 kroner til denne gongen.
Kvar person i juryen har 20 000 kroner kvar å gi ut til dei fem deltakarane, men det kan verke som at juryen ikkje hadde noko problem med å bestemme seg denne gongen.
Sara Chen stakk av med alle pengane frå alle dei fire i juryen.
- Eg er heilt i himmelen, eg kan ikkje tru det!
Sara har eit stort smil om munnen.
Fekk du med deg kor mykje pengar du vant?
- Eg hugar ikkje, 100 000? var det så mykje?
Og det var meir, Sara fekk med seg 151 700 kroner.
To vidare
Men det er ikkje berre Sara vi får sjå igjen frå Kjempesjansen denne veka når semifinalen går av stabelen. Solfa var den som gjekk av med flest stemmer etter Sara. Dei fekk ikkje så mykje som Sara, men 42 300 kroner er ikkje å klage over.
- Vi er utruleg overraska, og vi gratulerer Sara. Hadde ikkje vi vore med hadde vi nok stemt på Sara, seier gutane rett etter at sendinga er over.
Solfa fekk ingen pengar av publikum eller av dommarane, men det viser jo berre at det er du der heime som i grunn bestem kven som går vidare.
- Vi er kjempe fornøgde, dette var kjekt!
Alle fekk penger
Det er ingen som er med på Kjempesjansen som går heim utan ei stor vekeløn. Denne kvelden blei det delt ut heile 228 400 kroner.
Slik blei pengane fordelt:
Sara Chen: 151 700 kroner
Solfa: 35 600 kroner
Stine Mari Langstrand: 35 600 kroner
Nixon: 27 200 kroner
Juan Pablo: 21 600 kroner
