NRK Meny
Normal

Tek juleferie med full poengpott

Fem ungdomsskular kan ta juleferie med full pott i NRK si storsatsing Klassequizen.

Klassequizen 2012

Desse 15 elevane har sørga for full pott til sine klassar.

Foto: Montasje: Per Kristian Johansen / NRK

– Det er flott å vite at vi er vidare med god margin. Juleferie føles med det fortent. Eg blir stolt av at det berre er fire andre lag i landet som er like gode. Vi bør ha gode sjanser for å gå vidare, seier Ole-Kristian Solberg frå Risum ungdomsskole i Østfold.

Saman med Peter Norderhaug og Pernille Dyrnes sørga han for full pott og tolv poeng til Risum ungdomsskole.

Tett i toppen

Tolv poeng blei det også til Hedmarken friskole i Hedmark, Gjøklep ungdomsskole i Vestfold, Dragedal 10-årige skole i Telemark og Ingieråsen skole i Akershus.

Ti av skulane som har vore i elden greidde elleve poeng, mens 15 skular kan notere seg ti poeng før juleferien.

Nye rundar i januar

På nyåret blir det nye rundar. I alt 314 skular er med i dei innleiiande rundane som blir sendt i distriktskontoras morgen- og ettermiddagssending på NRK P1.

I februar skal de to beste laga i kvart fylke møtast i ein semifinale. Vinnaren går videre til den store landsfinalen i Oslo, som blir sendt på NRK1 laurdag 11. mai i beste sendetid.

– Fram mot semifinalen skal eg ta til meg det eg kan av informasjon på skulen og i media, seier Ole-Kristian Solberg frå Risum ungdomsskole.

Han får støtte frå lagkameratane.

– Eg skal følgje med på aktuelle saker, er svaret frå Pernille Dyrnes.

Innholdet som skulle vises her støttes dessverre ikke lenger.