Vil ha ungdom med på avstemming om Innlandet
Fleire ungdomsparti går saman om å krevje 16-årig stemmerett ved avstemminga om fylket Innlandet.
Det er partia Unge Venstre, AUF, Unge Høgre, Sosialistisk Ungdom, Grøn Ungdom, Raud Ungdom og KRFU som står bak forslaget som blir fremma i morgon.
– Det er ungdom som brukar nokre av dei viktigaste tilboda til fylkeskommunen, som kollektiv transport og vidaregåande opplæring, seier fylkesleiar i Unge Venstre, Omar Sukru Yagci.
Han meiner det difor blir rart om dei ikkje kan vere med og bestemme kva som vil skje med fylket.