Togulykka skal ha skjedd på Raumabanen ved Håkåstad, midt mellom Lesja og Dombås, på ein planovergang for ein privat veg.
– Lastebilføraren er skadd, og det er store skader på lastebilen, seier operasjonsleiar Kristian Bjaanes.
Føraren vart kasta ut av førarhytta, og vart seinare køyrd til Lillehammer sjukehus.
STENGT: Raumabanen er stengt etter ulykka.
Foto: Even Lusæter / NRK– Lastebilen har vore på veg til å kryssa jernbanelinja da den vart treft av eit arbeidstog, fortel politiførstebetjent i Nord-Gudbrandsdalen, Emil Nørstebø.
Ifølgje Nørstebø var føraren av lastebilen ved medvit då han vart køyrd til sjukehus.
Dei to tilsette på toget er uskadde.
BLIR ETTERFORSKA: Politiførstebetjent i Nord-Gudbrandsdalen, Emil Nørstebø, fortel at ulykka skal etterforskast.
Foto: Even Lusæter / NRKRaumabanen er nå stengt.
Politiet vet ikkje kva det var som forårsaka ulykka. .
– Det må vi undersøke nærmare, og politiet kjem til å etterforske saka, seier Nørstebø.
SAMANSTØYT: Det var eit arbeidstog og ein lastebil som kolliderte på togstrekninga mellom Dombås og Lesja.
Foto: Even Lusæter / NRKMELLOM LESJA OG DOMBÅS: Ulykka skal ha skjedd i nærleiken av Håkåstad.
