Togulykka skal ha skjedd på Raumabanen ved Håkåstad, midt mellom Lesja og Dombås, på ein planovergang for ein privat veg.
– Lastebilføraren er skadd, og det er store skader på lastebilen, seier operasjonsleiar Kristian Bjaanes.
Føraren vart kasta ut av førarhytta, og vart seinare køyrd til Lillehammer sjukehus.
– Lastebilen har vore på veg til å kryssa jernbanelinja da den vart treft av eit arbeidstog, fortel politiførstebetjent i Nord-Gudbrandsdalen, Emil Nørstebø.
Ifølgje Nørstebø var føraren av lastebilen ved medvit då han vart køyrd til sjukehus.
Dei to tilsette på toget er uskadde.
Raumabanen er nå stengt.
Politiet vet ikkje kva det var som forårsaka ulykka. .
– Det må vi undersøke nærmare, og politiet kjem til å etterforske saka, seier Nørstebø.