Politidistriktet i Innlandet går ut med ei åtvaring mot personar som tilbyr å investere i kryptovaluta via sosiale medium.
Åtvaringa kjem etter to personar melde inn at dei hadde tapt 1,8 og 2,2 millionar kroner ved å overføre pengar til useriøse aktørar. Dei har truleg tapt desse pengane for godt.
– Det er svært alvorleg for dei det gjeld. Det er snakk om veldig mykje pengar som ein mistar på kort tid, noko som går utover både økonomi og psyke for dei som blir utsett for det, seier politiførstebetent Knut Johannson Ødegaard.
ÅTVARAR: Ingen seriøse aktørar vil informere om kryptovaluta over uformelle chattetenester, seier politiet.
Foto: Per MagnussenFortvila situasjon
Han seier politiet får slike saker med jamne mellomrom. Det er ikkje første gang i år at nokon har mista millionbeløp på kryptosvindel:
Ødegaard ønsker ikkje å gå inn på dei to sakene. Den eine er lagt vekk, og den andre er no under etterforsking.
– Men det vi ser i er at ein ofte blir lurt via eit program som heiter Anydesk som gjer det mogleg for svindlaren å fjernstyre pc-en til fornærma.
Han seier det ofte er prat om oppsparte middel som blir borte på dagen.
– Det er mykje pengar i desse sakene og svært fortvilande for dei fornærma.
Og tidlegare svindel-saker viser at det også er vanskeleg å få desse pengane tilbake gjennom banken:
Ikkje bruk useriøse aktørar
Politiet har fleire råd for å unngå slik svindel.
– Vårt viktigaste råd er å ikkje investere pengar via lenker på e-post, Facebook eller andre sosiale medium, seier politiførstebetjenten.
I tillegg er det viktig å prate med eldre i familien om økonomi og kva dei gjer på nett.
– Ver forsiktig med det du gjer på nettet om du ikkje har god kunnskap om det du gjer.
