Sidan 1997 har det vorte arrangert Landstreff Lillehammer for russen. Men i mars 2019 skreiv NRK at 2019-arrangementet kunne bli det siste.
Et par månader etterpå, i juni, vart russ på Otta i Gudbrandsdalen kontakta av ein seljar for eit anna russetreff, i Halden.
Russen vart invitert til eit møte med seljaren, som kallar seg Lasse Fredriksten på Facebook. Der står det at det ikkje kom til å bli Landstreff på Lillehammer.
Under møtet oppfatta russen at det hasta å signere for å få rabatterte billettar til treffet, som heiter Landstreff Fredriksten. Mange skreiv under fordi dei gjerne vil reise på eit treff i russetida.
– Vi kunne ikkje vente eller tenke oss om, eller noko slikt, seier russepresident Ida Randen på Nord-Gudbrandsdal vidaregåande skule, avdeling Otta.
Får ikkje billettane
Problema byrja dagen etter møtet. Då vart russen klar over at det kjem til å bli arrangert Landstreff på Lillehammer likevel.
Dermed angra Otta-russen på billettane til Fredriksten-treffet. Lillehammer er nærmare og dei og vil heller reise dit. Dei reagerte også på at møtet med billettseljaren skjedde på om lag same tid.
Dei tok kontakt med Lasse Fredriksten, men kom ingen veg då dei bad om å få igjen pengane.
Billettane har dei heller ikkje fått. Avtala var at dei skulle få dei på e-post 1. april. Det har vist seg at det er ein bussbillett dei får på e-post. Sjølve billetten skal dei få på bussen. Det gjer det utfordrande å selje billetten vidare.
Russen har bede om å få billettane, utan hell.
– Billettane har vi jo betalt, og ein skulle tru dei er i vårt eigarskap no. Men vi får dei ikkje uansett kva vi seier eller gjer, seier Ida Randen.
Då dei klaga fekk dei til svar at dei anten fekk reise på Landstreff Fredriksten eller på begge treffa.
– Det har jo ikkje russ mellom 17 og 19 år råd til. Vi har betalt dei 3000 kroner per person, seier russepresidenten.
– Systematisk lureri
Thomas Iversen er juridisk seniorrådgjevar i Forbrukarrådet. Han seier dei kvart år opplever systematisk lureri i forbindelse med selskap som vil tene pengar på russen.
Han seier at dei likevel får lite klager på russetvister, rundt 50 per år. Totalt behandlar derover 10.000 saker på kjøp og sal årleg.
– Når vi snakkar med russ, seier dei at dei kjenner seg ferdig med russetida når den er over. Med mindre det er snakk om veldig mykje pengar, vel ein å la det ligge framfor å bruke krefter på å klage, seier Iversen.
Når det gjeld avtala mellom Otta-russen og landstreffet i Halden, meiner Iversen den er gjort på feil grunnlag.
– Seljar har gitt inntrykk av at eit anna eksisterande arrangement skal falle bort, og at dei kan teikne nytt hos dei. Med det kan kontrakten fort vere ugyldig, seier Iversen.
Han seier at viss kontrakten er ugyldig, er det mogleg å få pengane tilbake for det som er blitt betalt, eller sleppe å betale, viss dei ikkje har betalt heile summen.
Nektar for feil marknadsføring
Dagleg leiar Lasse Kjønigsen i Landstreff Fredriksten svarer på kritikken i fleire e-postar til NRK:
«I mars så gjekk NRK ut med at LL (Landstreff Lillehammer, journ. anm.) skulle leggjast ned ... Vi kan ikkje ta ansvar for at det dukkar opp konkurrentar, nye eller gamle. At LL vel å køyre ein vesentleg mindre variant i år ein tidlegare er ikkje noko vi kan lastas for.»
På spørsmål frå NRK om seljaren har oppført seg kritikkverdig, svarar Kjønigsen slik:
Han meiner dei steller seg til informasjonen om at Lillehammer-treffet skulle leggjast ned og at dei ikkje kan klandrast, sidan det opphavleg var planen.
Når det gjeld billettane meiner han dei heile tida har vore klare på at dei ville bli sendt ut 1. april. At dei ikkje kan få sjølve billetten, eller armbandet før dei kjem på bussen, forklarar han med at det berre kan skannast ein gong.
Kjønigsen forklarar vidare at det å sende ein seljar til skulen, er noko dei har vald å prioritere:
LES OGSÅ: