Mannen gav skildring av ein person som skulle ha truga han med skytevåpen. Deretter skal den seksuelle handlinga ha skjedd.
Etter å ha etterforska saka i ei veke konkluderer politiet med at det mannen sa ikkje var sant.
– Alvorleg
Politiadvokat Sten Floor Nelson seier dei tar slike falske forklaringar veldig alvorleg.
– Politiet har gjort betydeleg etterforskingsarbeid for å prøve å identifisere mogleg gjerningsperson. Fornærma har gitt skildring av gjerningspersonen og kva han har gjort.
Mannen, som er mellom 15 og 20 år gamal, fortalde også om bevegelsane til seg sjølv og den påståtte gjerningsmannen. Etterforskinga har vist at forklaringane ikkje er rett.
I avhøyr
Nelson fortel at dei ikkje veit noko om motivet hans for dette. Politiet hadde ikkje kjennskap til mannen frå før.
Den sikta sit i avhøyr no og vi veit ikkje korleis han stiller seg til spørsmålet om straffskuld.
Når nokon kjem og melder straffbare forhold tar politiet det seriøst. Når det er urette opplysningar og forklaring til politiet tar det unødvendig etterforskingskapasitet, seier Nelson.
– Ein opplever av og til at det er urett forklaringar med seksuelle overgrep. Det er beklageleg med tanke på dei som faktisk blir utsett for seksuelle overgrep, seier politiadvokaten.
- Les også:
- Les også: