Det seier Harald Balke, som er fungerande leiar for etterforskningsseksjonen for Gjøvik-regionen i politiet.
Balke seier politiet ser ein tendens til at narkomane ønskjer å gøyme seg bort og hamner på Toten, Hadeland og i Valdres.
- Kanskje reknar dei med at det er mindre fokus frå politiet her, seier Balke.
Auke i beslag
I første halvdel av 2008 var det ein auke i talet på narkotikabeslag i Vestoppland samanlikna med i fjor.
Og dersom ein samanliknar Vestoppland og Gudbrandsdal politidistrikt, vart det ble gjort nesten hundre fleire beslag i Gjøvik, Valdres, Hadeland og Toten dei seks første månadane i år.
Årsaka til dette kan vera fleire, meiner Balke.Større satsing frå politiet, gjennomfart av narkomane og fleire behandlingsintitusjonar enn andre stader kan vera med på å forklare mykje.
Men tendensen han tydeleg ser, er at rusmisbrukarar frå storbyen flyttar ut på bygda.
- Vi ser at narkomane kjøper bustad og slår seg til her i området, samtidig som dei fortset den kriminelle verksemda. Dei reknar vel med at det er lettare å drive slik verksemd utanfor sentrale område.
Auke i rekruttering
Det er også inntrykket til Jack Flatvad i foreninga Gatebarnas Far.
- Dei kjem hit i staden, for her er det ikkje så ope og dei får gøymt seg litt, men dei rusar seg ikkje mindre av den grunn, seier han.
- Betyr det at det blir hardare miljø?
- Det inneber jo at det blir større rusmiljø her og større rekruttering.
