Kålrotprodusenter på Toten fryktar at dei må leggje ned produksjonen.
Årsaka er at dei to einaste sprøytemidla som stoppar mark frå å innvadere kålrota blir forbode neste år.
Men forskingsleiar Richard Meadow frå Bioforsk Plantehelse seier impregnert myggnetting kan gjere susen!
Kan bli borte
- I dag omset vi for 11 millionar kroner og har om lag 20 årsverk. Dei står i fare for å bli borte, seier Johannes Dyste, dagleg leiar i Toten Kålpakkeri.
Han seier dei må finne noko som kan ta kverken på kålmarken.
- Slik sett er det dramatisk, seier Dyste, som seier dei vil prøve å dyrke kålrot og neste år.
- Men kål med mark i får vi ikkje seld, seier Dyste. Han vil at Mattilsynet skal vise noko meir fleksibilitet slik at dei finn andre midler å ta kålmarken med.
Kan ha løysinga
Forskingsleiar Richard Meadow frå Bioforsk Plantehelse seier impregnert myggnetting kan ta livet av kålmarken.
- Vi har sett på dette fordi det er eit insektmiddel i nettingen og vi har og sett på gjerder av netting utan insektmiddel for å halde marken ute av kålen, seier Meadow.
Men no må dei søkje om å få bruke dette i og med at det er eit middel på nettingen.
