Det var rundt klokka 14.30 at politiet fekk melding om at to ungar ikkje var komen til rette etter å ha vore ute på tur. Dei hadde vore borte i om lag tre timar då dei pårørande varsla politiet.
Politiet sende to hundepatruljar. Luftambulanse, redningshelikopter og fleire frivillige vart også kalla ut i søket.
Atle Bernhoft Von Obstfelder hos operasjonssentralen sa dei kalla ut store styrker i og med at det er snakk om to mindre ungar.
Politiet seier ungane kom gåande tilbake sjølv etter å ha vore ute i fire-fem timar.
LEITEAKSJON: Ungane var på tur i dette terrenget. Det er bratte fjellsider området i Finndalen.
Foto: Even Lusæter / NRKUlendt terreng
Ungane held til i området og var ute på tur for seg sjølv.
– Dei hadde gått av garde med kvar sin ryggsekk og tydelegvis vore på ein liten oppdagingstur i nærområdet til ei seter, seier Von Obstfelder hos politiet.
Terrenget er ulendt med litt bratte fjellsider og ein flatare dalbotn. Det er et skogstrekk i grenseland til tregrensa, ifølge politiet.
Styrkane som vart kalla ut i søket er no sendt tilbake etter ungane kom til rette.
– Tre helikopter var det nokon som rakk å komme fram, andre kom ikkje fram. Og det var 15 redningshundar på veg og mykje mannskap elles for å få ein god start dersom man ikkje skulle finne dei forholdsvis fort, seier operasjonsleiaren.
