Torsdag klokka 12.43 fekk politiet melding om at det brann i bakken utanfor anlegget til Sivilforsvaret på Starum i Østre Toten.
Rett før klokka 20 torsdag kveld seier politiet sin innsatsleiar på staden at dei kan heve sperringane. Dei over 40 personane som vart evakuerte kan flytte heim igjen.
Truleg ein granat
Politiet seier området vart brukt av tyskarar krigen og det kan ha vore noko frå krigens dagar som tok fyr. Det vart brukt som lagringsplass under verdskrigen.
Det var då ein skulle fjerne asfalt på området utanfor Sivilforsvaret sin leir at dei oppdaga at det brann i eit hol i bakken.
Forsvaret vart tilkalla for å sjekke ut kva dette var. Bebuarane innanfor 300 meter frå plassen er evakuerte. Alle som bur i 500 meter radius unna er bedt om å lukke vindauga sine.
Innsatsleiaren på staden seier forsvaret sin robot har undersøkt og grave i området. Den har funne ein liten gjenstand som tydeleg har brunne.
– Det er truleg ein engelsk fosforgranat, seier innsatsleiar, Trond Evensen.
Gjenstanden måtte kjøle seg ned, før dei fekk undersøkt den. Det var lenge uavklart og fare for at det kunne sprenge der.
Forsvaret skal ikkje ha funne andre granatar enn den som begynte å brenne.
- Ein mann i 70-åra la frå seg jaktvåpenet sitt, og det forsvann. Politiet åtvarar den som har teke det.
Fekk ikkje sløkt brannen
Sivilforsvaret hadde prøvd å sløkke brannen med skum utan hell tidlegare på dagen.
– Vi fekk melding frå sivilforsvaret om at dei sleit med å sløkke ein brann. Dei skulle fjerne asfalt og det hadde begynt å brenne av uviss grunn, sa Atle Bernhoft von Obstfelder i politiet.
Politiet sperra av eit område på 300 meter. Bebuarar innan ein radius på 500 meter vart bedt om å ha vindauga sine lukka.
Det var fem personar frå tre bustadhus i nærleiken som måtte evakuerte. I tillegg 40 personar frå eit hestesenter i nærleiken.
- Mange har vakta grensa under pandemien: