Regjeringa lovar ingen pengar til riksveg 3 i Hedmark, men arbeidet mot 4-felts motorveg mellom Lillehammer og Gardermoen held fram.
Regionvegsjef Sissel Sandelien er stort sett godt fornøgd.
Lågare fartsgrense?
Regjeringa vil at all vidare utbygging på E6 mellom Lillehammer og Gardermoen skal ta høgde for at det på sikt skal bli firefelts motorveg. Men det er uklart når vegen blir bygt ut.
Sissel Sandelien
- Men vi skulle gjerne hatt meir pengar til fylkesvegar, seier Sissel Sandelien. Ho håpa også på meir pengar til utbetring av riksveg 3 i Hedmark.
- Ein konsekvens av pengemangel på riksveg 3 kan bli lågare fartsgrense, fortel Sandelien.
Riksvegar
I forslaget til Statsbudsjett er det sett av 72 millionar kroner til å halde fram med utbygginga av ny riksveg 4 forbi Raufoss, og 88 millionar kroner til investeringar på andre riksvegar som ikkje er stamvegar.
Det er ikkje rom for midlar til utbetringa av riksveg 3 gjennom Østerdalen på statsbudsjettet. Omlegginga av riksveg 15 gjennom Vågåmo er heller ikkje kome inn på budsjettet, og blir dermed utsett på ubestemt tid.
Fleire fartsboksar
Demonstrasjonsprosjektet for nullvisjonen, "Trafikksikkerhet i Lillehammer – med nullvisjon i sikte", skal vidareførast.
Eit anna viktig tiltak er eit opplevingssenter for trafikksikkerheit som skal opnast neste år, og eit prøveprosjekt der automatisk trafikkovervaking (ATK) blit brukt til gjennomsnittsmålingar av fart.
I heile landet er det foreslått meir automatisk trafikkovervaking. I Oppland, Hedmark, Akershus, Oslo og Østfold vil det neste år bli sett opp i alt 25–30 nye fotoboksar.
Pengar til bru
Fleire mindre investeringstiltak er prioritert i forslaget til statsbudsjett. Hovudvekta er ved sidan av trafikksikkerheitstiltak og bygging av gang- og sykkelvegar.
Blant anna er prosjektet Nybergsund bru (riksveg 25) foreslått fullfinansiert. Ein ventar at brua blir opna for trafikk i oktober 2005.
Regjeringa foreslår også 40 millionar kroner over statsbudsjettet til å starte arbeidet med ny riksveg 2 mellom Kløfta og Kongsvinger. Regjeringa vil også bruke 130 millionar kroner i bompengar til prosjektet.
