Hopp til innhold

Politiet stadfestar: Brannen i Hamar var påsett

Etterforskinga har høg prioritet vidare, seier etterforskingsleiar.

Brann i Gisegården i Hamar. Flammene slår gjennom taket.

HISTORISK BYGNING: Det er få trehus att i denne delen av Hamar, og store historiske verdiar kan ha gått tapt i brannen.

Foto: Daniel Grindflek

Onsdag 26. januar byrja det å brenne i ein historisk bygard i Hamar. No seier politiet at brannen var påsett.

Det kjem fram etter kriminaltekniske undersøkingar i Grønnegata 34.

Les også: Flere pågrepet og siktet etter brann i Hamar

Brann i Hamar
Brann i Hamar

Fortsett etterforskinga

Kripos har assistert Innlandet politidistrikt i etterforskinga.

I ei pressemelding frå Politiet i Innlandet står det at saka har høg prioritering.

– Vi kjem til å fortsette med same styrke som tidlegare, seier etterforskingsleiar Bjørn Frederik Monné.

Han fortel at dei etterforskar breitt og ser på mange moglegheiter for kva som kan har skjedd i samband med brannen.

– Så kjem vi til å sjå kva svar vi kan få frå dei tekniske undersøkingane.

Fredag kveld etter brannen vart tre menn arresterte og sikta. Dei vart seinare lauslatne, men er ifølgje politiet enno sikta.

Les også: De tre pågrepne etter brannen i Hamar er løslatt

Krimteknikere på plass etter brannen i Hamar
Krimteknikere på plass etter brannen i Hamar

Flere saker fra Innlandet