Jos dus lea juoga maid áiggošit rámidit dahje láitit das, maid gulat rádios ja oainnát tv:s ja neahtas, de sáhtát váldit oktavuođa Sámi prográmmaráđiin.
Fuom! Sámi prográmmaráđđái ja NRK:i guoská Almmolašvuođaláhka. Dat mearkkaša ahte du váidalusa sáhttet mediat, dutkit j.ea. gáibidit geahččat. Go sáddet váidalusa, de leat maid addimin geahččanlobi. Don sáhtát maiddái geassit ruovttoluotta váidalusa maŋŋel go leat sádden dan. Dan sáhtát dahkat šleađgapoastta bokte ráđičállái Nils Johan Gaupii.
Don sáhtát oktavuođa váldit elektrovnnalaččat dán skovi bokte.
Mii dáhpáhuvvá mu oktavuođaváldimiin? Hva skjer med min henvendelse
Du oktavuođaváldin biddjo oassin boahtte čoahkkima áššebáhpáriidda. Buot oktavuođaváldimiid čuovvolit ovddasvástideaddji redaktevrrat. Jos lea oanehat áigi go 10 beaivvi čoahkkinbeaivái, de dáidá du ášši hoigaduvvot maŋit čoahkkimii.
Goas ráđđi čoahkkana, dan oainnát dás.
Buot oktavuođaváldimat sáddejuvvojit ráđi lahtuide ja NRK Sámi hoavddaide. Oktavuođaváldima vástida ovddasvástideaddji redaktevra. Ii buot oktavuođaváldimiid gieđahala ráđđi, muhto buot lohkkojuvvojit.
Don sáhtát bivdit ráđičálli Nils Johan Gaup sáddet čoahkkinreferáhtaid.
Sámi prográmmaráđi bargun lea badjeliigeahččat NRK Sámi prográmmadoaimma ja fálaldagaid publihkkii.
Ráđđi sáhttá maiddái ieš loktet ovdan áššiid, gieđahallat vuostáiváldon váidalusaid ja suokkardit áššiid maid NRK Sámi direktevra bidjá ráđđái gieđahallamii.
Ráđis leat vihtta miellahttu geaid Sámediggi nammada. NRK Sámi hoavddat oassálastet ráđđečoahkkimiin.
Jos dus leat gažaldagat NRK Sámi prográmmafálaldagaid birra dahje ozat juoidá mii lea sáddejuvvon NRK:i, de sáhtát váldit oktavuođa NRK Publihkkabálvalusain.
Mo váldit oktavuođa Sámi prográmmaráđiin?
Don sáhtát váldit oktavuođa Sámi prográmmaráđiin skovi bokte, man gávnnat dán siiddus. Dan sáddet šleađgapoastan dahje reiven.
Kontakt Samisk programråd
E-post: samiskprogramrad@nrk.no
Kontakt Samisk programråd
Poastačujuhus:
NRK Sápmi
Sámi prográmmaráđđi
NRK Sápmi
Mari Boine geaidnu 12
9730 Kárášjohka/ Karasjok
Nils Johan Gaup lea ráđičálli. Su oaččut ságaide telefovnnas 91 30 04 04.
Loga eambbo dás: Buot dieđut Sámi prográmmaráđi birra
Publihkkabálvalus
Eará gažaldagaid, fuomášumiid, váidalusaid, rámi dahje konkrehta gažaldagaid NRK Sámi prográmmaid dahje fálaldagaid birra sáhtát don doaimmahit NRK Publihkkabálvalussii.
Doppe vástidit sihke beaivet ja eahkedis telefovnnas 23 04 70 00 dahje šleađgapoastta bokte info@nrk.no.
Buot oktavuođaváldimat registrerejuvvojit ja lágiduvvojit daidda doaimmahusaide ja ossodagaide, maidda dat gullet.
NRK Publihkkabálvalus sáhttá maiddái veahkehit du máŋgehit prográmmaid priváhta geavaheami várás.
Loga eanet: Buot dieđut NRK Publihkkabálvausa birra
