NRK Meny
Normal

Vogntog fanga i rasområde

To lastebilar hamna midt mellom rasa i Hardanger og måtte søke tilflukt. Sjå bilete og video frå rasa her.

Det siste døgnet har det gått ei rekkje ras i Hardanger. Fleire vegar er sperra og trafikken til og frå Hordaland og Bergen er hardt råka av naturkreftene.

Ferjekø kom inn i rasområde

På fylkesveg 550 i Hardanger vart fleire lastebilar fanga av to ulike ras. Sjåførane søkte tilflukt under eit rasoverbygg i natt og står der framleis.

Lensmann i Hardanger, Øyvind Rosseland, fortel at en lang rekkje bilar frå ein ferjekø kom midt inn i rasområdet.

– Cirka 18.30 i går kveld var ein ferjekø på ein frå Utne mot Odda. Dei møtte eit ras på ein plass som heiter Eikhamrane, 15-16 kilometer frå Odda, seier Rosseland.

Det var fleire tyngre køyretøy og mange personbilar i bilkøen, og alle snudde og returnerte same vegen som dei kom. På vegen tilbake mista vogntoga kontakten med personbilane.

– Skal få sjå folk snart

– Då desse vogntoga kom tilbake mot Utne, møtte dei eit nytt ras og dei kom ingen veg, seier Rosseland.

Video 7bcc0910-a315-4f5c-b48e-881ee11ed7cb.jpg

Sjå video frå rasområdet.

Helikopter har vore i området og raset er i ferd med å bli rydda like etter klokka 15.00.

– Trailerane skal få kome ut når vi meiner at det er trygt. Vi skal sjå få dei ut så dei kan kome til meir siviliserte strøk, sjå folk og få i seg mat, seier Rosseland.

Frykta bilar var gått i raset

Det var ikkje spor etter personbilane, noko som fekk yrkessjåførane til å kontakta politiet. Frykta var at nokre av dei mindre bilane hadde hamna midt i raset.

– Det var ein uavklart situasjon lenge, men ingen har blitt meldt sakna og vi har vore på staden med Vegvesenet. I tillegg har det vore båt på sjøen og søkt, men ingenting tyder på at det var bilar i raset, seier Rosseland.

Dei to vogntoga fann seg den sikraste plassen på strekninga, og sto parkert der i heile natt. Klokka 15.00 sto dei framleis innesperra.

Statens vegvesen opplyser at vegen framleis er stengt, men at dei jobbar med opprydding på eine sida.

Siste video

NRK oppsummerer VM så langt.
Den internasjonale sykkelpresidenten Brian Cookson bommet på årstallet da han åpnet sykkel-VM i Bergen.
Programleder: Mariann Reikerås