Eldre er spesielt utsett for å hamne i alvorlege ulukker på vegane. 30 prosent av dei omkomne i trafikken her i landet i 2014 var over 65 år, syner tal frå Statens vegvesen.
LES OGSÅ:
– Det er jo ikkje det at eldre bilførarar er verre enn andre. Men dei er meir utsette for ulukker enn andre, og difor er me nøydde til å ta dette på alvor, seier avdelingsdirektør i Vegdirektoratet, Bente Skjetne.
Fleire eldre i trafikken no enn før
Medan færre unge trafikantar no er involverte i alvorlege ulukker, går ulukkestala for eldre trafikantar opp. Spesielt er eldre involverte i venstresving, kryss og fotgjengarulukker.
Auka heng mellom anna saman med at det er fleire eldre som ferdast i trafikken i dag enn for ti år sidan.
– Det er veldig urovekkande og me må jobbe for å få ned denne tendensen, seier avdelingsdirektør i Vegdirektoratet, Bente Skjetne.
LES OGSÅ:
Vil ha strengare krav til eldre
No varslar Helsedirektoratet strengare krav til eldre bilistar. Ei ny forskrift til helsekrav er ute på høyring.
– Det betyr at viss av ein eller anna grunn, anten det er sjukdom eller skader eller alderssvekkingar ikkje oppfyller helsekrava, så får ein ikkje lov til å køyre bil, seier Bente Moe i Helsedirektoratet.
I tillegg til strengare helsekrav, blir kursinga av eldre over 65 år intensivert gjennom Statens vegvesen