NRK Meny
Normal

Vil bryta Gaza-blokaden

Norske styresmakter åtvarar mot deltaking i ny konvoi mot Gaza. - Me kan ikkje la oss skremma til passivitet, seier Torstein Dahle i Raudt, som er fast bestemt på å trossa rådet.

Bilde ombord fra Gazakonvoien

Aktivistar frå mange land var med på konvoien mot Gaza i fjor sommar.

Foto: HO / Reuters

Torstein Dahle

Torstein Dahle reiser med konvoien til Gaza.

Foto: Ingar Haug Steinholt

Fredag reiser politikaren i Raudt til Aten for å vera med den andre internasjonale hjelpekonvoien til det palestinske området Gaza.

- Me vil bringa inn varer som folk i Gaza treng, og me vil visa i praksis at me står solidarisk med dei, fortel han til NRK.

Men framfor alt er målet til å pressa Israel til å oppheva blokaden mot Gaza.

- Denne blokaden er folkerettsstridig og ein skam som gir folk i forferdelege livsvilkår, fortel Dahle.

- Ikkje redd

Sist gong ein internasjonal konvoi segla mot Gaza, vart ni personar drepne og 20 såra av israelske soldatar som borda skipet . Torstein Dahle håpar Israel har lært.

- Dette er ikkje noko martyropplegg, så me reknar med at Israel har lært av det som skjedde for eit år sidan, seier han.

Likevel er siviløkonomen budd på det meste.

- Det er klart at det er ein viss risiko, men eg synast det er viktig at me ikkje skal la oss skremme til passivitet i ei så viktig sak, seier han.

Trossr norske styresmakter

Både utanriksminister Jonas Gahr Støre og statssekretær Espen Barth Eide ber aktivistar halda seg unna den nye konvoien. Dette stoppar ikkje Dahle.

- Regjeringar rundt omkring i verda gjer ingenting for å letta denne forferdelege blokaden. Derfor er det heilt nødvendig at me engasjerer oss, slik folk skal sleppe denne type lidingar, seier Dahle.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo