NRK Meny
Normal

Vegvesenet: – Dette er spesielt no i mai

På riksveg 7 over Hardangervidda stod fleire bilar bom fast i snøen i dag tidleg. Meteorologisk institutt har no sendt ut OBS-varsel for Vestlandet og Trøndelag.

Hardangervidda mai 2015

VIDDA I MAI: Slik såg det ut på Hardangervidda i dag tidleg. Bilistar bør ikkje køyre over her på sommardekk no, seier vegvesenet.

Foto: Jarle Vikane

Bilistar som skulle over Hardangervidda i dag tidleg blei møtt av snøfokk og vind. Enkelte stader har snøen samla seg i opptil 10–15 cm.

– Ein del bilar køyrde seg rett og slett fast i snøen. Det er spesielt no i mai. Me skulle jo ønske at vinteren skulle sleppe taket snart, men det ser ikkje ut til at det vil skje dei neste dagane, seier trafikkoperatør i Statens vegvesen, Heidi Hauge Rasmussen.

Det har vore kolonnekøyring på riksveg 7 over Hardangervidda i dag, men klokka tre opplyser vegvesenet om at trafikken no går som normalt.

LES OGSÅ: Meteorologen: – Hold deg unna fjellet med sommerdekk

Vil bli verre ut over kvelden og i morgon

Sjølv om vegen no er rydda, vil vêrforholda over vidda ikkje bli betre utover dagen.

Meteorologisk institutt har sendt ut OBS-varsel i dag, der dei melder om kraftig vind på Vestlandet.

Natt til måndag er det venta at vinden kjem til å auke til sør og sørvest sterk kuling utsette stader, periodevis og luten og kan hende full storm. Det er venta nedbør som snø over ca. 800 meter. I kombinasjon med sterk vind gjev dette vanskelege køyreforhold i fjellet, skriv meteorologane i OBS-varselet.

– Med tiltakande vind, og nedbør kan det fort bli problem i fjellet. Slik varselet ser ut for dei neste dagane, anbefaler me ikkje at ein køyrer over vidda på sommardekk, seier Rasmussen.

På Hemsedalsfjellet og Filefjell er det no berre vegbaner.

Siste video

Det aller første julemarkedet i Bergen er en suksess. Den første uken det har vært åpent har tusenvis av mennesker vært innom.
Vestlandsrevyen 12. desember 2017