NRK Meny
Normal

Varslar tøffe forhandlingar i Nordhordland

Fleire kommunar i Nordhordland vurderer samanslåing, men plassering av tenestetilbod kan velte planane. Ordførarane varslar at forhandlingane vert knallharde.

Ordførarane varslar tøffe forhandlingar om kommunesamanslåing i Norhordland.

TØFFE FORHANDLINGAR: Om Radøy og Lindås slåast saman er ikkje sikkert, men ordførarane varslar tøffe forhandlingar.

Om det går mot slutten for Manger som kommunesentrum er ikkje sikkert, for i Radøy har dei ikkje bestemt seg for om dei vil ha ein storkommune eller ikkje.

– Nei, det har eg ikkje gjort, seier ordførar Jon Askeland i Radøy (Sp).

– I dag gjer me eit vedtak om å forhandle med nabokommunar om vilkåra for ei eventuell samanslåing, legg han til.

– Skulle helst sloppe

Astrid Aarhus Byrknes

IKKJE ENKELT: Astrid Byrknes, ordførar i Lindås, seier det nok ikkje blir enkle forhandlingar framover.

Foto: Ingfrid Berge Fossåskaret / NRK

Kommunestyret i Lindås har vedtatt at dei ynskjer å forhandle med nabokommunane, men ordføraren trur ikkje det blir så enkelt med samanslåing likevel.

– Me må byrje ein stad, og så tenkjer eg at me nok blir einige, seier ordførar Astrid Byrknes (KrF) i Lindås.

Slår Radøy og Lindås seg saman vil dei komme opp i eit innbyggjartal på 20.108 personar. Men kommunen kan verte enda større, for Meland vil truleg også vere med.

Ordførar Askeland i Radøy trur ikkje det er så mykje å spare på samanslåing, og helst skulle han vore utan forhandlingsrunden som no kjem.

– Det ville eg helst sloppe å tenkje på, for me er ein god kommune, og me driv kjempeeffektivt, seier Askeland.

Vil ta vare på tenestetilboda

Jon Askeland

VILLE SLOPPE: Ordførar i Radøy, Jon Askeland, skulle helst sloppe forhandlingane om ein storkommune.

Foto: Ingfrid Berge Fossåskaret / NRK

Kommunane har eit og eit halvt år på seg til å bli samde om alt frå skattestruktur til plassering av tenestetilbod. På butikken ved rådhuset i Radøy, er rådet å stå knallhardt på krava.

– Dei må ikkje få dårlegare tenester enn dei har i dag, seier Ansgar Valdersnes.

– Det er viktig at me har gode forhandlarar, og veit kva me vil. Me må prøve å grave mest mogeleg til oss. Me har det veldig godt i Radøy, men me skulle hatt litt meir pengar slik at me fekk oss ein kafé, seier Karina Tveiten.

– Miljø, kultur, og at ein ikkje mistar sin eigenart, seier Arne-Geir Aasheim.

Og går det slik ordføraren i kommunen vil, så blir krava til innbyggjarane viktige i forhandlingane.

– Det eine er demokratisk innverknad, og å ta vare på tenestetilbodet der folk bur på Radøy. seier ordførar Jon Askeland.

Siste video

13 lam rømde då bilen dei vart frakta med kolliderte. Dyretransporten fekk ein brå stopp og sauene stakk til skogs.
 Programleder Mariann Reikerås