Bergen kommune har mottatt meldingar frå bebuarar i området kring Ibsens gate som har hatt luft i røyra og brunt vatn i springen i dag. Dei som opplever dette, kan berre la vatnet renne til det blir blankt, opplyser Bergen kommune.
Ibsens gate er framleis stengt etter vassledningsbrot. – Me veit ikkje kor lang tid det vil ta før gata opnar igjen, og anbefaler alle om å unngå å køyre opp dit, seier Kari Sørensen i vaktsentralen i Bergen kommune.
Bergen kommune har sendt ut kring 180 meldingar til folk som er råka av leidningsbrotet i Ibsens gate. – Me held på grave for å få reparert brotet. Kommunen har vasshydrant i krysset Ibsens gate/Edvard Griegs veg, og folk kan også hente vatn frå ein vasstank utanfor Ibsens gate 71, seier Kari Sørensen i vaktsentralen til Bergen kommune.
I natt fekk politiet melding om eit vannledningsbrot i Ibsens gate i Bergen. Det var mykje vatn i området, og som ei følgje er vegen stengt, opplyser vegtrafikksentralen. Bergen Vann jobbar no på staden, og brannvesenet er varsla. Fleire leilegheiter er også utan vatn etter vannledningsbrotet.