NRK får bekrefta hendinga av operasjonsleiar hjå politiet. Dei fekk melding om ulukka klokka 13.07.
– Meldinga kom frå AMK. Då vi kom fram til staden viste det seg at bybanen har vore i kontakt med ein syklist som sto på haldeplassen på Nesttun. Han er bevisst og ambulansepersonell vil sjå til han, seier operasjonsleiar Preben Wallestad.
Mannen er i 50-åra og skal ikkje vera alvorleg skadd.
Bybanen går som normalt
Det vart også minimalt med skader på bybanevogna.
- Syklisten traff vogna på sida. Vi måtte stoppe nokre minutt, så det er mindre forsinkelsar no, seier Kjetil Larsen hjå Keolis, som driftar Bybanen.