Trur på ny rekord for 8. mars-toget

Arrangørane reknar med rekordmange deltakarar på årets kvinnedag-markering.

8. MARS KVINNEDAGEN

NY REKORD: Reservasjonsretten kan føra til rekordmange deltakar på 8. mars-toget i Bergen. Dette bildet er frå 8. mars-markeringa i Oslo i 2009.

Foto: Poppe, Cornelius / NTB scanpix
Åge Algerøy
Journalist
Journalist
Anna Kathrine Eltvik

FØRSTE GANG: – Mange seier dei aldri har gått i tog før, fortel Anna Kathrine Eltvik i 8. mars-komiteen i Bergen.

Foto: Gunn Elisabeth Nord / Rødt

– Vi merkar ein stor pågang. Mange seier dei aldri har gått i tog før, men i år vil dei gjera det, seier Anna Kathrine Eltvik, som er leiar for arrangementskomiteen i Bergen.

Den gamle rekorden frå 1970-talet er 2200 personar.

– Dei aller fleste nemner reservasjonsretten som årsak til at dei vil gå i tog på kvinnedagen, seier Eltvik.

Dobling i Stavanger

Fleire andre stader i landet reknar arrangørane med rekordoppslutning.

Blant anna gjeld dette i Stavanger, der det er venta dobbelt så mange deltakarar som i fjor.

– Det er enormt mange som vil protestera mot reservasjonsretten for fastlegar. Folk merkar no kva det har betydd å ha ei Høgre/Frp-regjering, og at vi framleis må slåst for kvinnene sine rettar, seier Randi Mobæk i 8. mars-komiteen i Stavanger.

– Tar heilt av

8. mars-komiteen i Oslo opplyser at tendensen er den same i hovudstaden.

– Det har tatt heilt av. Vi merkar engasjementet langt utover kvinnerørsla. Vi har ikkje sett liknande på mange år, seier Daisy Elizabeth Sjursø i arbeidsutvalet i 8. mars-komiteen i Oslo.

Ho seier det er reservasjonsretten og sexkjøpslova som dei klart viktigaste sakene. Mobiliseringa skjer ved at mange går ut i media og oppfordrar folk til å gå i tog. Samtidig merkar dei ei enorm mobilisering på Facebook.

– Eg trur vi kjem opp mot toppnivået frå 1970-talet, seier Sjursø.

Ekstra vakthald

8. mars-komiteen i Oslo har leigd inn ekstra vakter og varsla politiet om den store interessa.

– Dette gjer vi for å sikra god tryggleik under markeringa, seier Sjursø.

Arrangementet i dei to største byane i landet startar klokka 15. I Bergen startar markeringa på Torgallmenningen og i Oslo samlast deltakarane på Youngstorget.

16 år gamle Birgitte Tiller har bestemt seg for å gå i tog på kvinnedagen for første gang for å vise sin motstand mot reservasjonsretten for leger.

Mange vil protestera mot reservasjonsretten på 8. mars-markeringane rundt om i landet.

Siste video

Planetaten i Bergen kommune har lagt frem sitt forslag til ny trasé for Bybanen til Fyllingsdalen. Se hvordan de ser for seg den ti kilometer lange skinnegangen som vil koste minst 6,2 milliarder kroner.
En meteor eksploderte og brant opp i atmosfæren vest for Bergen i natt. De som var våken fikk seg et spektakulært show på nattehimmelen.
Har vunnet Statoil talentstipend på en million kroner.