Tre tenåringar arresterte for valdtekt mot jente

Politiet aksjonerte i natt i Fyllingsdalen, etter at ei jente under 16 år skal ha blitt utsett for overgrep.

Svein Føllesdal

ETTERFORSKAR: Saka vert etterforska som ei valdtekt, seier Svein Føllesdal i politiet.

Foto: Sissel Rikheim / NRK

Overgrepet skal ha skjedd i ei leilegheit i Fyllingsdalen søndag kveld.

Politiet etterforskar saka som ei valdtekt.

– Den fornærma tok kontakt med politiet kort tid etter, og ville melda frå om ei valdtekt. Ut ifrå det arresterte me tre personar, seier politioverbetjent Svein Føllesdal ved politiet i Bergen vest til NRK.

Det var BT som omtala saka først.

Avhøyra held fram tysdag

Dei tre arresterte, som ifølge Føllesdal er mellom 17 og 20 år, sit no i fengsla forvaring. Dei vil bli avhøyrde i løpet av dagen.

– Me har kjennskap til to av dei arresterte frå før av, seier Føllesdal.

Det er så langt ikkje avgjort om nokon av dei skal varetektsfengslast.

Måndag ettermiddag opplyser Føllesdal i ei pressemelding at dei arresterte vert sitjande over natta. Dei tre tenåringane har forklart seg, men politiet ynskjer å gjera fleire avhøyr tysdag.

Dei mistenkte og den fornærma jenta skal ha hatt kjennskap til kvarandre frå før av, ifølge politiet.

Siste video

Meisterfinale på Brann stadion, ekstremistar på bygdene og eldre som må flyttast ut av kommunen for å få sjukeheimsplass. Dette er nokre stikkord for dagens sending. Programleiar Jan Børge Leirvik
Bergen stasjon, eller Jernbanestasjonen? Sterke meiningar i Vestlandsrevyen i dag. Her kan du også sjå at Bergen kommune vil ha folkedugnad mot bygningsforfall, og flyktningar slit med einsemd. 
Programleiar Jan Børge Leirvik.
På nytt vekker gatekunstner AFK oppsikt. Nå har han malt det som trolig er landets lengste «street art», laget av en enkelt kunstner.