Det var den 22 år gamle Tore Gaard fra Haugesund som døydde etter ei jaktulukke i Masfjorden laurdag kveld.
Etterforskinga har pågått i heile dag, og samtlege i jaktlaget er avhøyrt i Bergen. Det skriv politiet i ei pressemelding.
Har ikkje alle detaljane
22-åringen var saman med seks andre jaktkameratar då ulukka skjedde. Dei fleste er i byrjinga av 20-åra. Gaard vart truffe av eit vådeskot, men politiet veit ikkje kven som avfyrte skotet.
- Det kan ha vore to personar som skaut, men vi kan ikkje seie sikkert kven det var enno. Vi har teke blodprøve av begge, men har ikkje grunn til å tru at dei var rusa, seier jourhavande politiadvokat Trond Eide.
- LES OGSÅ:
Sikta er politistudent
To personar er sikta for uaktsomt drap. Den eine av dei to sikta er student ved Politihøgskulen, og i praksis ved Nordhordland lensmannsdistrikt.
Ifylgje politiet er det årsaka til at etterforskinga er flytta til Bergen sentrum politistasjon.
- Dette er ei alvorleg sikting, men vi arbeider utifrå at det er ei ulukke, seier Eide.
- LES OGSÅ:
Prøvde å gjenopplive
Ulukka vart meld like etter klokka 18.30 laurdag kveld, og luftambulansen var raskt på staden.
Jaktkameratane hadde då drive med livreddande fyrstehjelp, men livet stod ikkje til å redde. 22-åringen vart erklært død på staden.