Det var i november i fjor at naudetatane rykka ut til Storms gate på Møhlenpris i Bergen, etter meldingar om at ein person var knivstukke. Den 46 år gamle mannen døde like etter på sjukehus, og den 42 år gamle sambuaren hans vart sikta for drap.
No er kvinna tiltalt for drapet, skriv Bergens Tidende. Ho nektar straffskuld og hevdar det er andre som har utført drapet på 46-åringen.
- Ho har peika på at det er ukjente som har vore inne i leilegheita og utført drapet, seier statsadvokat Elisabeth Deinboll til BT.
- BAKGRUNN: Knivdrapet på Møhlenpris
Det var kvinna sjølv som meldte frå til AMK 4. november i fjor. Sida då har ho vore varetektsfengsla. Det er ikkje bestemt tidspunkt for når saka skal gå for retten.
- LES OGSÅ: