Politiet fekk melding om ulukka klokka 11.04.
– Syklisten fall eit godt stykke utfor vegen og ned i Ulevåvatnet ved fylkesgrensa, seier Jan-Tore Heggholmen i Vest politidistrikt.
Heggholmen seier at fallet viste seg å vere meir alvorleg enn ein først trudde.
– Mannen fall halvannan meter ned og slo hovudet i ein stein, deretter rulla han ut i vatnet. Han var medvitslaus då han havna i vatnet, seier operasjonsleiar Heggholmen.
Brannvesenet var raskt på staden, og fekk personen opp av vatnet.
– Han var blodig i ansiktet, og hadde skader i nakken, seier Heggholmen.
Syklisten er no henta av luftambulansen.
– Då var han medviten, sier han.