Politiet fekk melding om ulukka klokka 14.02.
Samanstøyten skal ha skjedd ved Shell-stasjonen på Lyngbø, ikkje langt frå innkøyringa til Sjøkrigsskulen på Gravdal.
– Syklisten vart køyrd direkte til Haukeland, men me veit ikkje omfanget av skadane endå, seier Hans-Eirik Thue, operasjonsleiar i Vest politidistrikt.
Klokka 14.40 opplyser politiet at syklisten, ein mann i 40-åra, ikkje er livstrugande skadd.
– Skadane er alvorlege, men ikkje livstrugande. Han er til behandling på akuttmottaket no, seier Thue.
Årsaka til ulukka veit politiet framleis ingenting om.
NRK oppdaterer saka.