– Dei fleste har fått straumen attende, og circa 180 kundar er framleis straumlause i Sandviken. Sandviken sjukehus er utan straum, men me køyrer eit aggregat der, og om ein times tid har dei straumen attende der, seier Jarle Hodne, kommunikasjonsrådgjevar i BKK.
3200 kundar er no utan straum i Sandviken i Bergen. – Skadane er verre enn antatt, og det har gått ut over kablar og transformatorar, så ein må rekne med at fleire i Sandviken blir utan straum heile natta, seier Tonny Nundal, kommunikasjonsdirektør i BKK.
På grunn av eit lyn som har slått ned i Sandviken i Bergen, er 4800 kundar utan straum, melder BKK. Begge transformatorane er slått ut, og BKK håpar det ikkje skal gå for lang tid før straumen er attende. I tillegg er framleis 3500 kundar ramma av straumbrot etter ekstremværet i helga.
