NRK Meny
Normal

Stord-ordførar: – Heilt fantastisk

Kværner sin milliardkontrakt vil sikra mange arbeidsplassar på Stord. Ordførar Liv Kari Eskeland jublar over kontrakten.

Liv Kari Eskeland

JUBEL: Ordførar på Stord, Liv Kari Eskeland er på veg inn på Kværner Stord for å overrekka blomar.

Foto: STEINAR NEDKVITNE / NRK

I dag vart det kjent at dekket til utstyr- og bustadplattforma på Johan Sverdrup-feltet skal byggast av Kværner og amerikanske KBR. Kontrakten med Statoil er verdt 6,7 milliardar kroner.

Avtalen omfattar ingeniørarbeid, innkjøp og bygging av dekket til utstyr- og bustadplattforma på Johan Sverdrup. Ordførar Liv Kari Eskeland er svært glad for at kontrakten vart kapra lokalt.

– Me sender ein stor gratulasjon til Kværner og til Apply Leirvik i dag som ha klart å vinna ein kontrakt i steinhard internasjonal konkurranse. Me er fantastisk glad. Når nyheita kom var det berre til å bestilla flagging, blomar og kaker.

Dagens kontrakt til Kværner og KBR vil gje nytt arbeid blant anna på Stord. Bustadmodulen skal byggast hjå Apply Leirvik på Stord og i Emtunga Sverige, medan plattformdekket vert sett saman på Kværner Stord.

Liv Kari Eskeland, ordfører

– Svært viktig for regionen

Kva betyr kontrakten for Stord-samfunnet?

– Kontrakten betyr ikkje berre noko for Stord-samfunnet. Det betyr noko for heile Sunnhordland og for heile Vestlandet – for heile Noreg vil eg sei. Det å ha ein leverandørindustri som viser at dei er konkurransedyktige på pris og kvalitet, og at dei evner å levera – det skal me som vestlendingar vera ubegripeleg stolte av, seier Eskeland.

Plattform

KJEMPEPROSJEKT: Plattforma vil bli det største bustadkvarteret på norsk sokkel og har kapasitet til å innkvartera 560 personar.

Foto: Statoil ASA

Ho meiner det er viktig at ein klarar å forvalta verdiane lokalt.

– Me har nokon store verdiar som ligg der ute i Nordsjøen som me bør klara å vinna ut sjølv, og vera dei fremste i forhold til å ha plattformer som får ut olje og gass. Det beviser me i dag at me klarar. Me er absolutt internasjonalt konkurransedyktige, avsluttar Eskeland.

Her blir Kværner-kontrakten på Stord underskrive.

SKRIV UNDER: Her blir Kværner-kontrakten på Stord underskrive.

Foto: Steinar Nedkvitne / NRK

Anne Grethe Sandtorv er leder i Stord Næringsråd.

– Dette er ein stor dag for Stord, alle smiler. Kontrakten er viktig for heile næringslivet – frå levrandørbransjen til butikkar, hotell og utestader. Alle lever av å serve denne industrien. Eg er imponert over at Stord har eit næringsliv som er så gode. Statoil har ikkje valt bedriftene på Stord for å vera snille, men fordi dei er best, sier ho til NRK.

NTB melder at Kværner si milliardkontrakt sende aksjen deira opp nesten 10 prosent på Oslo Børs måndag føremiddag.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo