– Brann er ein storklubb, og eg trur ikkje det er heilt umogeleg at me har hatt det bra budsjettmessig i eliteserien også, seier Brann-trenar Rikard Norling.
Tilliten er fornya, og branntrenaren er trigga av at ein heil by krev opprykk. Det viser att på budsjettet til klubben, for Brann skal bruke historiske 90 millionar kroner i forsøk på retur til eliteserien.
Dette medan Mjøndalen rykkjer opp med 15 millionar kroner i ryggen, Sandefjord Fotball stiller med 25 millionar, og Sandnes Ulf med 28 millionar.
- Sjå intervjuet med Norling øvst i saka.
LES OGSÅ:
Meir fysisk trening
Det er 1. divisjon som no er no kvardagen i Bergen, ein kvardag som etter ein knallhard evaluering i vinter, blant anna skal innehalde meir fysisk trening og meir testing enn fjoråret.
– Kvar kamp me spelte i eliteserien skulle me vinne, og det er ingen skilnad no. Me er særskilt fokusert reint sportsleg, og me førebur oss sjølv og klubben på toppklasse, seier Norling.
– Er desse endringane ei erkjenning om at du kom for dårleg førebudd til norsk fotball i fjor?
– Det svir jo på ein måte at det blir konstatert at ein ikkje strekte til, og slik er det jo. Å seie at «nei, eg kom så førebudd som eg kunne» er jo å prøve komme unna noko, og det skal eg ikkje prøve på, seier Norling.
– Eg har betre innsikt no.
LES OGSÅ:
– Skal ikkje love noko
LOVAR IKKJE: Midtstoppar Vadim Demidov vil ikkje love noko for neste sesong.
Foto: Christian Kråkenes / NRKNivået er nytt, motstandarane på stadion er nye, og klubben er fullt klar over både press, og fallhøgda for den komande sesongen.
– Eg trur ikkje me skal love noko i år, slik som me gjorde i fjor, seier midtstoppar Vadim Demidov.
– Eg trur dei fleste er vane med å ha eit slikt press, så det trur eg berre kjem til å trigge oss enno meir til å komme oss opp, seier angripar Marcus Pedersen.
LES OGSÅ: