NRK Meny
Normal

Står i kø for å jobbe gratis i jula

Over heile landet merkar organisasjonar at stadig fleire droppar tradisjonell julefeiring for å hjelpe andre. Kirkens Bymisjon i Bergen opplever at så mange vil jobbe frivillig i jula, at dei har sagt stopp.

Korskirken

KORSKIRKEN: Julaftan blir det arrangert middag i Korskirken i Bergen. Der er det fullt opp med mange frivillige hjelparar. Desse jentene hadde i føremiddag stilt seg opp for å gi gratis kaffi og kaker til dei heimlause.

Foto: Sigurd Hamre / NRK

Eiel Holten

KIRKENS BYMISJON: Eiel Holten er prest i Kirkens Bymisjon.

Foto: Eli Fossdal Vaage / NRK

– Eg trur det er noko som ligg djupt i oss, at me har lyst til å gjere noko, at me har lyst til å bidra, seier Eiel Holten, prest og avdelingsleiar i Kirkens Bymisjon.

Det har vore julefeiring for alle i Korskirken i Bergen sidan 1970-talet, og totalt er opp mot 600 menneske innom i løpet av julekvelden for å nyte julemat og selskapet. Holten er koordinator for det heile.

– Kvart einaste år er det slik at fort 80–90 personar på listene som vil vera medarbeidarar. Det me ser i år er at heile familiar med to-tre ganske vaksne ungar melder seg, og så feirar dei jul saman som frivillige medarbeidarar, seier han.

– Kanskje leie familiesirkuset

Torill Christine Lindstrøm

PROFESSOR: Torill Christine Lindstrøm.

Foto: UiB

Professor i samfunnspsykologi ved Universitetet i Bergen, Torill Christine Lindstrøm, trur det kan vera fleire motiv ved at mange ynskjer ei annleis jul med å vere frivillig.

– Ting kan spisse seg veldig til i jula. Viss det er konfliktar eller uvennskap i familien, så kan ein komme seg unna ved å seie at i år skal eg hjelpe Kirkens SOS, Røde Kors eller andre, seier ho.

– Dei er kanskje luktande leie det store familiesirkuset på julaftan. Dei synst kanskje julaftan er for anstrengande og for masete, og vil heller ha litt meir meining i det og gjere noko annleis, legg ho til.

– Kan seie eg har gjort mitt

Kjell Monsen og Bjarne Frantzen

FRIVILLIG: Kjell Monsen og Bjarne Frantzen.

Foto: Eli Fossdal Vaage / NRK

Uansett motiv er det arbeid som må gjerast i Korskirken i jula, og mange er med, år etter år. To av hjelparane som er nokså nye i år er pensjonistane Kjell Monsen og Bjarne Frantzen. Dei er med i Lions, og vart spurt om å bidra.

– Eg synst det er veldig givande å jobbe med slike ting. Når me ser all elendet rundt oss, så synst eg det er bra når me ser at me kan gjere noko positivt, seier Monsen.

– Det er typisk eit slikt enkeltmannsløft, at ein får lette samvitet litt. Når eg går herifrå kan eg gå med strak rygg og seie eg har gjort mitt, seier Frantzen.

Siste video

Programleiar: Jan Børge Leirvik
Programleiar: Jan Børge Leirvik
Programleiar: Jan Børge Leirvik