– Katten også er med oss i kjellaren. Me har veldig store og gamle stovevindauge, og dei er punkterte og litt slik frå før, og me er litt redde for at dei skal svikte, seier Ane Monsen Rong.
– Me har spikra nokre plater framføre vindauga, men dei slår inn i ruta og lagar litt lyd, så det er litt skummelt, seier ho.
– Det verste me har opplevd
Kjellaren er det tryggaste rommet for familien som bur på Ågotnes på Sotra i Fjell kommune.
– Det er i første etasje, halvvegs under bakken. Det er inngang nede og me sit på ungane sitt rom og leikar, så det er ikkje så mykje drama, seier Rong.
– Korleis kjennest det når det ruskar i huset slik det gjer no?
– Det er ganske ekkelt. Me har budd her i seks år, og det er det verste me har opplevd her. Me bur heilt ved havet, og det er veldig ubehageleg, seier Ane Monsen Rong.
– For ein halvtime sidan var det heilt «ko-ko» her, og det har også gått nokre svære grantre nede i hagen her, seier ho.
– Glad stormen dreia nord-vest
Ane Monsen Rong seier ho ikkje veit kor lenge familien skal bli sitjande i kjellaren.
– No er me veldig glade for at stormen dreia seg mot nord-vest, for hadde den dreia seg mot vest hadde det vore endå verre for oss, seier ho.
– Vindauga våre er rett mot vest.
- LES OGSÅ:
- LES OGSÅ:
- LES OGSÅ: