Rundemansveien er stengd for all ferdsel etter eit mindre snøskred onsdag ettermidddag. Det melder Bergen kommune. Først torsdag morgon skal ein geolog undersøka området. 16. februar (biletet) gjekk eit større skred i same området.
Etter å ha vore stengd på grunn av snøskred sidan fredag kveld, er Rundemansveien no opna for fri ferdsel, melder Bymiljøetaten onsdag kveld. Fredag kveld gjekk det eit snøskred ved Rundemansveien på oppsida av Brushytten. Ingen personar kom til skade i skredet.
Politiet er no i ferd med å setje opp sperreband i området ved Brushytten, der det gjekk snøskred i går. I tillegg er Røde Kors til stades for å halde turgåarar unna området.
Det er laurdag mykje folk i området rundt Fløyen, der lysløypa for skigåarar startar. Desse vert gjort merksame på at dei ikkje kan gå inn i området der det gjekk snøskred i går. – Det er framleis fare for skred samt at is og istappar kan rase ned på vegen, seier vakthavande beredskapskoordinator Snorre Halvorsen i Bergen kommune.
Ein geolog har no undersøkt snøskredet som gjekk i Rundemansveien i Bergen fredag kveld. Området er sperra av, og ifølge geologen er det fare for at snø og is framleis kan rase. Bergen kommune oppfordrar folk til å halde seg vekke. – Dette er eit populært turområde, som dessverre vil bli stengd dei neste dagane, seier vakthavande kommunaldirektør Harm-Christian Tolden.
