Mannen slo ned ein av pleiarane på sjukehuset før han rømte i 17-tida fredag kveld.
Politiet karakteriserer 18-åringen som farleg, og leita etter han med alt tilgjengeleg mannskap fredag kveld.
2. mars i år skal han ha knivstukke ein 14 år gamal gut på Slåtthaug i Bergen heile ni gongar i brystet og ryggen.
- Ikkje ta kontakt med han
I ei pressemelding etterlyser Hordaland politidistrikt 18-åringen. Dei ber folk om å ikkje ta kontakt med mannen, men å ringa 112 dersom nokon observerer han.
Politiet er også interessert i opplysningar om kor mannen eventuelt kan opphalda seg.
Etter tips leita politiet i Åsane i 20.30-tida fredag kveld.
Sikta for fire valdtekter
- Me veit ikkje kva han er istand til, men me har grunn til å tru at han kan oppføra seg trugande. Om han har våpen med seg er også uvisst, fortel informasjonssjef Trygve Hillestad ved Hordaland politidistrikt.
I tillegg til å vera sikta for drapsforsøk, er 18-åringen også sikta for å ha valdteke ei jente fire gongar.
