Fire personar har gått vakt i brannområdet på Husnes i Kvinnherad i natt. – Det har berre vore litt glør, fortel Ruben Medhus i Kvinnherad brann og redning. Dei vil pakke saman om eit par timar, og så ta stikkprøver i terrenget utover dagen.
På Husnes i Kvinnherad vil brannvesenet halde nattevakt i terrenget der det byrja å brenne onsdag kveld. 110-sentralen melder om ustabil vind og ein del glør i terrenget. I ettermiddag har naudetatane rykka ut til fem brannar i Hordaland.
Brannvesenet har fått betre kontroll på brannen i Kvinnherad. Dei var lenge urolege for den vidaregåande skulen, samt fleire bygg i nærområdet, men no er flammane slått ned. Det er framleis mange glør i terrenget og brannvesenet dynkar med vatn.
Naudetatane er på staden der det brenn i terrenget ved Røsslandsvegen i Kvinnherad. Det er meldt om ein del flammar og ifølge 110-sentralen var meldarane urolege for at dei skulle spreie seg til den ungdomsskulen og vidaregåande skulen like ved.
