NRK Meny

Sikta for drapsforsøk

18-åringen som skal ha knivstukke ein 14 år gamal gut ni gongar på Slåtthaug, er no sikta for drapsforsøk.

Artikkelen er flere år gammel.

Det var berre tilfeldig at livsviktige organ ikkje blei råka då 18-åringen stakk 14-åringen med kniv i brystet og ryggen.

Først blei 18-åringen sikta for lekamsskading med særleg farleg reiskap, men siktinga utvida til drapsforsøk.

 

Krangel hjå 15 år gamal jente

I dag blei 18-åringen framstilt for varetektsfengsling bak lukka dører, skriv BT.

Den dramatiske knivepisoden skjedde på Slåtthaug i Bergen 2. mars i år.

14-åringen og 18-åringen hamna i krangel på soverommet til ei 15 år gamal jente, og enda med at 14-åringen blei knivstukken heile ni gongar.

Prega av hendinga

Guten blei liggande livstrugande skadd på intensivandelinga på Haukeland sjukehus.

Tilstanden hans er no betre.

- Etter omstenda har han det bra, men han er naturlegvis svært prega av det han har vore gjennom, seier bistandsadvokat Beate Hamre til BT.

Siste video

Hundar som skal påvisa kreft, nytt forslag til heving av Fedje-ubåten og full strid om kommunenamn i Sunnfjord. Sjå Vestlandsrevyen med programleiar Jan Børge Leirvik.
Psykiateren og KrF-politikaren døydde etter ei trafikkulukke, 81 år gamal.