NRK Meny
Normal

– Selges grunnet skuffelse av uante dimensjoner

Å sjå Brann rykke ned blei for sterk kost for Rudi Soltvedt. No er den gullfarga gravemaskina ute for sal.

Brann-gravemaskin

MÅ BORT: «Jeg har dessverre mistet noe av gløden etter denne tragiske fotballsesongen og blir minnet på nedrykket hver gang jeg ser maskinen», skriv Soltvedt i annonsen på Finn.no.

Foto: Rudi Soltvedt

Då Brann vann eliteserien i 2007 blei Rudi Soltvedt så glad at han lakkerte gravemaskina si i gull. Men etter å ha sett Brann rykke ned til 1. divisjon, blei det for vondt å sjå på.

– Eg må få ho vekk. Eg blir dårleg av heile greia, seier Soltvedt.

Laurdag la han maskina ut for sal på Finn.no:

«I motsetning til Brann har denne maskinen levert varene siden 2007. Den er stabil god, driftsikker, innfrir forventninger og svikter aldri. Den trenger imidlertid en ny leder som kan gi maskinen det den fortjener.

– Då Brann tok gullet i 2007 var det heilt fantastisk. No er det rett og slett forferdeleg. Eg er så skuffa. Det er ei skandale at ein så stor klubb som omset for så mykje skal rykke ned.

LES OGSÅ: Spillerflukten fra Brann i full gang

(Artikkelen held fram under biletet)

Brann gravemaskin

«GULLET SKA HEM»: Det kan gå lang tid før Brann tek gull igjen, meiner Rudi. – Det blir jammen hardt å komme seg opp att i eliteserien.

Foto: Rudi Soltvedt

– Heilt forferdeleg

Rudi Soltvedt

SKUFFA: – Det er rett og slett forferdeleg, seier Rudi Soltvedt om Branns nedrykk til 1. divisjon.

Foto: Privat

– Den siste kampen mot Mjøndalen var spikaren i kista. Det er forferdeleg at me skal klare å tape 3–0. Dei blei køyrt over, og det var som fortent, dessverre, seier Soltvedt.

I annonsen er Soltvedt klar på at han meiner noko må gjerast i Brann-leiinga:

«Det kan se ut som det er lenge til vi får bruk for gullfarger igjen (ihvertfall så lenge RBH fremdeles er daglig leder i Brann)»

– Hadde dette vore ei vanleg bedrift hadde leiinga måtte stå til ansvar. Noko er gale når ein klubb som omset for 120 millionar kroner årleg, rykker ned, seier han.

LES OGSÅ: Gjør helomvending etter press fra styret

Fått fleire henvendelsar

Soltvedt har fått mange meldingar frå folk som er interesserte i å ta over gravemaskina. Noko underprisa er den, for maskina må bort raskt, seier han.

Brann gravemaskin

«Det kan se ut som det er lenge til vi får bruk for gullfarger igjen (ihvertfall så lenge RBH fremdeles er daglig leder i Brann)», skriv Soltvedt i annonsen.

Foto: Rudi Soltvedt

I annonsen skriv han vidare:

«Håper det er en solid optimist med forkjærlighet for Brann som kan ta denne maskinen videre og sørge for et anstendig tilværelse for maskinen også i neste sesong. Jeg har dessverre mistet noe av gløden etter denne tragiske fotballsesongen og blir minnet på nedrykket hver gang jeg ser maskinen.»

LES OGSÅ: – Interessen for førstedivisjon vil eksplodere

Siste video

Programleder: Mariann Reikerås
Onsdag 16. august begynte flyttingen av den store flytedokken fra Laksevåg til Ågotnes.