Mange kommunar skrik etter meir pengar på grunn av skattesvikt. Fleire har varsla at dei slit med å levere velferdstenester til innbyggjarane fordi skatteinntektene har vore lågare enn venta.
I går kunne finansminister Siv Jensen røpa til NRK at regjeringa vil kompensera for dei tapte inntektene når dei legg fram revidert nasjonalbudsjett klokka 11.00 i dag.
– Regjeringa foreslår å styrke kommunane sin økonomi med 1,1 milliard kroner. Det er viktig for å halde oppe de gode tenestetilboda i kommunane.
Millionar til Hordalandskommunar
Den ekstra pengepotten kjem alle kommunane i Hordaland til gode.
Sjå heile oversikta i tabellen under.
Nøgd Os-ordførar
– Det er gledeleg at Høgre-Frp-regjeringa lyttar til sine lokalpolitikarar. Alle kommunane i Hordaland vil få eit auka tilskot frå regjeringa, seier Os-ordførar Terje Søviknes.
– Eg trur ikkje nokon blir skuffa, alle vil oppleva at dei her får kompensert skattesvikten i kommunane så langt i år.
Friske midlar til nye Sotrasambandet
Frå før er det kjent at planlegginga av nye Sotrasambandet får 90 millionar kroner ekstra i dag.
I tillegg får Hordaland fylkeskommune 19 millionar kroner ekstra i frie inntekter i 2015.