- Eg kan stadfesta at me kjem til å foreslå Idar Vollvik som nytt sentralstyremedlem, seier Knut Miland, leiar for Redningsselskapets distriktsstyre i Hordaland, til Bergens Tidende.
Ingen kommentar frå Vollvik
Styret i Redningsselskapet skal skiftast ut i eit ekstraordinært landsmøte 14. januar.
Vollvik vil ikkje kommentera sitt kandidatur til styrestolen, og vil heller ikkje seia om han er medlem av Redningsselskapet eller ikkje.
Treng ikkje vera medlem
Distriktsstyra i Redningsselskapet kan foreslå sine kandidatar på fritt grunnlag, noko som gjer at Vollvik ikkje treng å vera medlem.
Ifølgje BT har eit distriktstyremedlem i Hordaland fått klarsignal frå Vollvik om at han vil jobba for Redningsselskapet.