Arbeidet med å sikra vegen etter raset på Fanafjellet i Bergen har gått raskare enn venta. – Vi planlegg å opna vegen klokka 16 i dag, seier trafikkoperatør Hanne Norheim ved Vegtrafikksentralen til NRK.no.
Fylkesveg 163 over Fanafjellet blir ikkje opna i dag. Det melder Statens vegvesen. Vegen er stengt som følgje av eit steinras. Omkøyring via E39. – Mest sannsynleg blir det stengt i nokre dagar, seier trafikkoperatør Ronny Sleire hjå Vegtrafikksentralen.
Ein geolog frå Statens vegvesen er på plass på Fanafjellet for å sjå nærare på rasstaden. Fylkesvegen har vore stengt sidan tidleg i dag, etter at to store steinar rasa ut i vegbana.
Fylkesveg 163 over Fanafjellet i Bergen er stengt på ubestemt tid. Det er kome fleire store steinar ned i vegbana og politiet seier det er bevegelsar i fjellsida som gjer at dei fryktar det kjem meir. Entreprenør er på staden.