NRK Meny
Normal

Steinras på E16

Det har gått eit steinras ved Kjenestunnelen på E16 i Vaksdal. Vegen er rydda og ein kan passera i begge køyrefelt.

SISTE: Klokka 11.25 opplyser Vegtrafikksentralen at det er rydda på staden og at trafikken kan passera i begge køyrefelt.

– Vi har fått meldingar om eit steinras på vestsida av Kjenestunnelen, bekreftar trafikkoperatør Svein Ivar Ellefsen hjå Vegtrafikksentralen til NRK klokka 10.40.

Han opplyser om at det går an å ta seg forbi på staden og at vegen førebels ikkje vert stengd. Politiet er på staden, og det er ikkje kome meldingar om at nokon er treft av raset.

– Entreprenør er på veg for å rydda opp, held Ellefsen fram.

– 60–70 kg store steinar

E16 mellom Bergen og Voss er ein svært rasutsett strekning. Seinast i oktober gjekk det eit stort jordras mellom Risnestunnelen og Romslotunnelen.

Denne gongen dreiar det seg om eit mindre steinras, ifølgje politiet som er på staden.

– Tipsar har fortalt oss at nokre av steinane som er kome ned kan vera på rundt 60 til 70 kg, fortel Ellefsen.

Laster kart, vennligst vent...

Raset har gått på vestsida av tunnelen mellom Vaksdal og Trengereid.

Siste video

Distriktsnyheter fra Hordaland og Sogn og Fjordane
Erna Solberg med fremføring av "Nystemten" og Ketil Solvik-Olsen på tuba var en del av den offisielle åpningen av Bergens nye flyplass.
Se hele arbeidet med å fjerne flytedokken fra Foto/redigering: Tim Wassmo