Sjøkabel i staden for høgspentmaster i Hardanger vil bli omtrent 3,4 milliardar kroner dyrare. Dessutan vil det ta fem år lenger enn å byggja master.
Det kom fram då dei fire ekspertutvala presenterte dei ulike alternativa for regjeringa i dag.
Mæland: - Ingen hast
Ulvik-ordførar Mona Hellesnes (V), som har kjempa hardt mot luftspenn, meiner no at sjøkablar framleis er eit reelt alternativ.
– Det vil spara store naturinngrep og gje ei fullgod løysing. Med rett kabelteknologi vil inngrepa i naturen vera minimale med sjøkabel, seier Hellesnes.
Byrådsleiar i Bergen, Monica Mæland, seier det som har komme fram så langt gjer at det ikkje lenger hastar så mykje som dei trudde med å sikra Bergen straumforsyning.
– Vi har bedre tid enn vi trudde, seier Monica Mæland til NRK.
Høringsmøte 10. februar
Bergen og andre høyringsinstansar har no tre veker på seg til å koma med innspel i saka.
– Vi skal no bruka dei tre vekene til å gå gjennom rapportane og ta ein tverrpolitisk diskusjon i Bergen om kva innspel vi skal gje, seier Mæland.
Den 10. februar blir det halde eit høyringsmøte på Scandic Bergen Airport ved Flesland. Alle berørte partar blir inviterte til å koma med synspunkt på rapportane.
Olje- og energiminister
før høyringsmøtet.Etter dette vil regjeringa konkludera endeleg med kva som blir løysinga.