Poserte med hagle – tatt for MMS-trussel

Ein mann i førtiåra blei i natt pågripen i ein væpna aksjon i Sveio. Mannen skal ha sendt eit bilete av seg sjølv der han poserte med ei dobbeltløpa hagle.

Haugesund politistasjon

HAUGESUND: Mannen i 40-åra sit no i varetekt ved Haugesund politistasjon. Han blir avhøyrt i løpet av dagen.

Foto: Arne Gunnar Olsen / NRK

Seint tysdag kveld blei politiet kontakta av ein mann i 30-åra frå Sveio. Han fortalde at han hadde fått ein trusselmelding på telefonen frå ein sveibu i 40-åra.

Meldinga inneheldt eit bilete av den mistenkte som poserte med ei dobbeltløpa hagle som han heldt klar til å fyre av.

– Mannen i 40-åra er ein me kjenner frå før frå trussel-og valdssaker, så me valde difor å ta dette på alvor, seier operasjonsleiar i politiet Jarle Utne Reitan.

Pågripen i væpna aksjon

Mannen som tok imot trusselen har ifølgje han over lengre tid hatt ei konflikt med mannen med hagla. Mannen i 40-åra var også frå tidlegare av mistenkt for å ha oppsøkt bustaden til mannen i 30-årane og gjort seg skuldig i skadeverk.

På bakgrunn av dette sende politiet 10 væpna tenestemenn, to politihundar og nødvendig utstyr til Sveio.

– Det var ingen fysisk kontakt mellom dei to involverte. Politiet oppsøkte mannen og arresterte han utan dramatikk. Han sit no i arresten hos oss i Haugesund, seier Reitan.

Mannen er sikta for å ha komme med trugslar, og vil bli avhøyrt i løpet av dagen.

Bakgrunnen for trugslane skal ha vore eit økonomisk forhold dei i mellom.

Siste video

Planetaten i Bergen kommune har lagt frem sitt forslag til ny trasé for Bybanen til Fyllingsdalen. Se hvordan de ser for seg den ti kilometer lange skinnegangen som vil koste minst 6,2 milliarder kroner.
En meteor eksploderte og brant opp i atmosfæren vest for Bergen i natt. De som var våken fikk seg et spektakulært show på nattehimmelen.
Har vunnet Statoil talentstipend på en million kroner.