NRK Meny
Normal

Mann (54) til sjukehus etter ulukke i Sveio

Traktorsjåfør til sjukehus med luftambulanse etter kollisjon med bil i Sveio fredag kveld.

Trafikkulykke Sveio

ULUKKE: Ein person er sendt til sjukehus med luftambulanse etter ein kraftig kollisjon på fylkesveg 47 i Sveio. Føraren av personbilen har fått lettare skader.

Foto: Jan Kåre Ness / Haugesund Foto

Meldinga om trafikkulukka kom inn til naudetatane klokka 19.03 fredag kveld.

Ein bil skal ha køyrt inn i ein traktor bakfrå. Den har deretter velta. Ulukka skjedde 200 meter nord for Mannavatn på fylkesveg 47 nordaust for Sveio sentrum.

Til sjukehus med helikopter

Traktorsjåføren vart skadd i ulukka og er sendt til Stavanger universitetssjukehus med luftambulanse.

Den 54 år gamle mannen var vaken og medviten då politiet kom til ulukkesstaden.

– Han har skader i nakke og rygg, men alvorsgraden er ukjent, seier innsatsleiar Kjetil Nesbu i Sør-Vest politidistrikt til NRK.

Lørdag morgon opplyser Helse Stavanger at den 54 år gamle traktorsjåføren har fått lettare skader i ulukka.

Fråteken førarkortet

Politiet bekreftar at personbilen har køyrd inn i traktoren bakfrå. Ulukka skjedde i retning nordover mot Haukåskrysset på E39.

– Føraren av personbilen, ein mann i 40-åra, framstår som lettare skadd, fortel operasjonsleiar Victor Jensen i Sør-Vest politidistrikt.

Politiet har teke førarkortet frå sjåføren og det blir oppretta sak. I ein periode var det omkøyring på gang- og sykkelstien ved ulukkesstaden. I 20.30-tida var vegen open for fri ferdsle igjen.

Laster kart, vennligst vent...

KOLLISJON: Trafikkulukke på fylkesveg 47 nordaust for Sveio i Hordaland.

Siste video

Programleder: Jan Børge Leirvik
Programleder: Jan Børge Leirvik
Se kampen fra 1. runde i cupen 18.04.18. Foto/teknikk: Rune Endre Larsen. Kommentator: Sindre Helgheim.